نئی دلی(این این آئی)کمیونسٹ پارٹی آف انڈیا(مارکسٹ) نے مقبوضہ کشمیر میں سیاسی رہنمائوں سمیت تمام نظر بندوں کی فوری رہائی کا مطالبہ کیا ہے۔ کشمیر میڈیاسروس کے مطابق کمیونسٹ پارٹی آف انڈیا(مارکسٹ) کے جنرل سیکرٹری سیتا رام پچوری نے بھارتی وزیر اعظم نریندر مودی کے نام ایک خط میں لکھا ہے کہ چھ ماہ ہو گئے ہیں کہ وادی کشمیر میں اب بھی انٹرنیٹ
پوری طرح سے بحال نہیں کیا گیا ۔ انہوں نے لکھا کہ ملک کے دستور میں ہر کسی کو اپنی بات کہنے کا حق حاصل ہے لہذا اگر کشمیر کے تین سابق وزرائے اعلیٰ نے بھی خصوصی حیثیت ختم کرنے کے فیصلے کی مخالفت کی تو اس میں کیا برائی ہے۔سیتا رام پچوری نے سیاسی رہنمائوں اور نوجوانوں سمیت تمام گرفتار کشمیریوں کی رہائی کا مطالبہ کیا۔
