نئی دہلی(آن لائن ) بھارتی وزیر اعظم نریندر مودی نے ایودھیا میں رام مندر کی تعمیر کیلئے ٹرسٹ کے قیام کی منطوری کا اعلان کردیا۔ بھارتی خبررساں ادارے کے مطابق لوک سبھا میں خطاب کرتے ہوئے نریندر مودی نے کہا کہ سپریم کورٹ کی ہدایت پر حکومت نے ایودھیا میںرام مندر کی تعمیر کی تفصیلات کو حتمی شکل دینے کیلئے ٹرسٹ کے
قیام کا فیصلہ کیا ہے۔ جسکا نام جنم بھومی تیر تھ کشتھیراہوگا۔ انہوں نے کہاکہ اس بات کا فیصلہ کابینہ کے اہم اجلاس میں کیا گیا ہے۔ انہوںنے کہا کہ سنی بورڈ کو بھی اس کے حصے کی زمین الاٹ کی جائیگی۔ انہوںنے کہا کہ ریاستی حکومت کو اس سلسلہ میں درخواست بھیج دی گئی ہے اور اس نے اس پر عمل کرنے پر رضا مندی کردی ہے۔
