ماسکو( آن لائن )روس میں ایک مسافرطیارے کو اس وقت ہنگامی لینڈنگ کرنا پڑی جب اس میں سوار خاتون مسافر نے طیارے کی راہداری میں کھڑی ہو کر خود کو دھماکے سے اڑانے کی دھمکی دی۔ غیر ملکی خبررساں ادارے کے مطابق روسی فضائی کمپنی ایس 7 ایئر لائن نے ایک بیان میں کہا ہے کہ کمپنی کے جس مسافر طیارہ میں یہ
واقعہ پیش آیا وہ کریمیا کے علاقے سیمفروپول سے ماسکو جا رہا تھا۔ماسکو کے ڈومو ڈیڈو ہوائی اڈے پر طیارے کے اترنے کے بعد پولیس نے خاتون کو گرفتار کرلیا۔پولیس کے مطابق خاتون کے قبضے سے کسی قسم کا دھماکا خیز مواد نہیں ملا ہے۔ خاتون کی طیارے کو دھماکے سے اڑانے کی دھمکی کے محرک کا پتا نہیں چلا ہے
