اسلام آباد (مانیٹرنگ ڈیسک)بھارتی ریاست کیرالہ میں ایک ہندو جوڑے کی شادی کی تقریب مسجد میں منعقد کی گئی ہے ۔ مقامی اخبار کی رپورٹ کے مطابق بھارتی میڈیا نے رپورٹ کرتے ہوئے کہا ہے کہ مقامی مسلم جماعت کو ہندو جوڑے کی طرف سے درخواست کی گئی تھی کہ وہ شادی کی تقریب مسجد میں منعقد کرنا چاہتے ہیں جس پر چڑوالی مسجد میں سارتھ نامی
ہندو نوجوان کی شادی انجو نامی لڑکی سے کرائی گئی ۔ مسجد میں ہونیوالی شادی کی اس تقریب میں ہندوئوں اور مسلمانوں کو شرکت کی دعوت دی گئی جس میں تقریبا ایک ہزار مہمانوں کو سبزیوں سے بنائے گئے کھانے کھلائے گئے ۔ بھارت میں ان دنوں کشیدگی پائی جاتی ہے اس ماحول میں مسجد میں ہونیوالی ہندو جوڑے کی شادی کا بھارت میں بڑا چرچا ہے ۔
