نئی دہلی (این این آئی)بھارت کی مغربی اور وسطی ریاستیں ہیٹ ویو کی لپیٹ میں ہیں، شہری شدید گرمی میں بلبلا اٹھے ،درجہ حرارت 40ڈگری سے تجاوز کرگیا۔میڈیارپورٹس کے مطابق بھارت میں گرمی کی شدت برقرارہے،ہیٹ ویو نے وسطی اور مغربی ریاستوں میں شہریوں کا برا حال کردیا ،چلچلاتی دھوپ سے شہری

پریشان ہوگئے۔راجستھان، مدھیا پردیش، مہاراشترا میں درجہ حرارت 40ڈگری سے تجاوز کرگیا،سب سیزیادہ درجہ حرارت راجستھان میں 50ڈگری سیلسیس ریکارڈ کیاگیا۔بھارت کی نصف سے زائدآبادی ہیٹ ویو سے متاثر ہے،دھوپ سے بچنے کیلئے شہری اقدامات کرنے لگے ،شہریوں نے چھتریوں کاسہارا لے لیا۔بھارتی محکمہ موسمیات کے مطابق گرمی کی شدت اتوار تک برقرار رہے گی۔