نیویارک(انٹرنیشنل ڈیسک)اقوام متحدہ کے سیکرٹری جنرل انتونیو گوٹیرس خبردار کیا ہے کہ شام کے شمال مغربی علاقے ادلب میں فوجی کارروائی کے سنگین نتائج پر انتباہ کیا ہے۔ ادلب میں وسیع فوجی آپریشن بڑے پیمانے پر انسانی جانوں کے ضیاع اور خون خرابے کا موجب بن سکتا ہے۔غیرملکی خبررساں ادارے کے مطابق اقوام متحدہ کے صدر دفتر میں صحافیوں سے بات چیت کرتے ہوئے یو این سیکرٹری جنرل نے کہا کہ شام کی سرزمین پہلے ہی خون میں ڈوبی ہوئی ہے، مزید خون خرابے کی کوئی گنجائش نہیں۔
اگر ادلب میں فوجی کارروائی شروع ہوتی ہے تو اس کے نتیجے میں بڑے پیمانے پرانسانی جانوں کا ضیاع ہوسکتا ہے۔انتونیو گوٹیرس نے ایران، روس اور ترکی پر زور دیا کہ وہ مل کر ادلب کے معاملے کا کوئی پرامن حل تلاش کریں تاکہ خون خرابے سے بچا جاسکے۔ان کا کہنا تھا کہ روس، ترکی اور ایران کے باہمی تعاون سے ادلب میں دہشت گرد تنظیموں سے نمٹنے اور شہریوں کی جانیں بچانے کے لیے مثبت حل نکالا جا سکتا ہے۔ ایران اور روس ادلب میں فوجی آپریشن پر اصرار نہ کریں۔
