مدینہ منورہ(آن لائن)سعودی عرب میں غیر قانونی تارکین وطن کیخلاف مملکت بھر میں پولیس کارروائی کے نتیجے میں سب سے زیادہ پاکستانی مشکلات کا شکار ہیں۔سعودی میڈیا رپورٹ کے مطابق بد ھ کو پاکستانی قونصلیٹ کے سامنے پیش ہونے والے پاکستانی باشندے خالد نامی شخص کا کہنا تھا کہ میرے خاندان کے 8افراد ہیں سب کے اقامے ختم ہوچکے ہیں اور اب ہمارا شمار غیر قانونی تارکین وطن میں ہورہا ہے۔

رقم نہ ہونے کی وجہ سے میں گزشتہ 6ماہ سے اقامے کی تجدید بھی نہیں کراسکا۔ اب میں کیسے پاکستان جاؤں۔میرے ساتھ فیملی بھی ہے۔اتنی رقم نہیں کہ اقامہ تجدید کروالوں۔مرافقین کی فیس تقریباً32ہزار ریال بنتی ہے۔ پاکستان جانے کا دل چاہتا ہے مگر واپس جانے کا طریقہ کار معلوم نہیں۔مالی حالت کمزور ہے لیکن انتظار کے سوا میرے پاس کوئی حل نہیں۔ دعا ہے کہ میرا مسئلہ حل ہو۔سفارتخانہ اور قونصلیٹ کو ٹیم تشکیل دیکر ان لوگوں کے مسائل حل کرنے کی اپیل کی گئی ہے۔ ان پاکستانیو ں کا کہناتھا کہ ہمیں مفت سفری سہولت فراہم کی جائے یا رعایتی نرخوں پر ٹکٹ دلائے جائیں۔ انہوں نے شکوہ کیا کہ آخر سمندر پار پاکستانیوں کی وزارت نے ہمارے لئے کیا کیا؟۔

موضوعات:سعودی عرب