تہران(این این آئی)انسانی حقوق کی ایک وکیل نے کہاہے کہ ایک ایرانی خاتون جسے اپنا سکارف اتارنے اور اسے چھڑی پر رکھنے کے جرم میں حراست میں لے لیا گیا تھا ،کو رہا کر دیا گیا ہے۔میڈیارپورٹس کے مطابق ایرانی خاتون جس کا نام ظاہر نہیں کیا گیا کی تصاویر سوشل میڈیا پر آنے کے بعد گذشتہ برس دسمبر میں ایران میں حکومت مخالف مظاہرے شروع ہو گئے تھے۔انسانی حقوق کی وکیل نصرین ستودہ کا کہنا تھا کہ انھوں نے سرکاری دستاویزات میں دیکھا

ہے کہ مذکورہ خاتون کو رہا کر دیا گیا ہے۔خاتون وکیل کا مزید کہنا تھا کہ وہ مذکورہ خاتون کے کیس کی پیروی کرنے کے لیے گذشتہ روز پراسیکیوٹر کے دفتر گئیں تو انھیں معلوم ہوا کہ انھیں رہا کر دیا گیا ہے۔نصرین ستودہ نے لکھا مجھے امید ہے کہ حکام اسے نقصان پہچانے کے لیے کوئی مقدمہ نہیں گھڑیں گے۔ انھوں نے ایسا کچھ نہیں کیا جس پر مقدمہ چلانے کی ضرورت ہو۔اس خاتون کے بارے میں بتایا گیا کہ ان کی عمر 31 سال ہے اور وہ ایک چھوٹے بچے کی والدہ ہیں۔