اسلام آباد(مانیٹرنگ ڈیسک) کویت میں پاکستانی مردوں سمیت دیگر ایشیائی ممالک کے مردوں کو میک اپ اور زنانہ ملبوسات پہنا کر مساج پارلروں میںزبردستی خدمات فراہم کرنے کیلئے مجبور کئے جانے کا انکشاف۔ تفصیلات کے مطابق کویتی اخبار کی ایک رپورٹ میں انکشاف کیا گیا ہے کہ بردہ فروشی میں ملوث ایک گروہ پاکستانی مردوں سمیت دیگر ایشیائی مردوں کو زبردستی میک اپ اور زنامہ ملبوسات کے ذریعے لڑکیاں بنا کر ان سے مساج پارلروں میں گاہکوں کو مساج اور جسم فروشی کا دھندہ کروانے

پر مجبور کر تا ہے۔ پولیس نے حال ہی میں ا س گینگ کے قبضے سے 26 مردوں کو بازیاب کروایا گیا ہے، جنہیں مار پیٹ کر زنانہ حلیہ اختیار کرنے اور جنسی خدمات فراہم کرنے پر مجبور کیا جاتا تھا۔پولیس کا کہنا ہے کہ یہ گینگ محبوس رکھے گئے ایشیائی مردوں سے ماحبولہ اور ابوحلیفہ کے علاقوں میں مساج پارلروں میں کام کروا رہا تھا۔ انہیں گاہکوں کا مساج کرنے، اور مساج کے بعد جنسی خدمات فراہم کرنے پر مجبور کیا جاتا تھا۔ انہیں اس بے حیائی پر مجبور کرنے کے لئے اکثر تشدد کا نشانہ بنایا جاتا تھا۔