نئی دہلی(آئی این پی ) نئی دہلی میں نریندر مودی سے شادی کی خواہشمند خاتون کا دھرنا جاری جب تک وزیرِ اعظم مودی سے بیاہ نہیں ہو گا یہاں سے نہیں اٹھوں گی۔ ایک خاتون گزشتہ ایک ماہ سے دھرنا دیے بیٹھی ہے۔ دلچسپ بات یہ ہے کہ اوم شانتی شرما نامی اس خاتون کا مطالبہ ہے کہ وزیرِ اعظم نریندر مودی جب تک اس کے ساتھ شادی کیلئے ہاں نہیں کرینگے، وہ یہاں سے نہیں ہٹے گی۔بھارتی میڈیا کے مطابق 40 سالہ اوم
شانتی شرما کا تعلق بھارتی شہر جے پور سے ہے اور وہ گزشتہ ماہ 8 ستمبر سے نئی دہلی کے مشہور علاقے جنتر منتر میں ڈیرہ ڈالے بیٹھی ہے۔ اوم شانتی نے کہا ہے کہ مجھے کوئی ذہنی عارضہ لاحق نہیں ہے، مگر اپنے پردھان منتری نریندر مودی جی کی فکر ضرور لاحق ہے، جو تنہا اپنے کاندھوں پر دیش کا بوجھ لادے دن رات کام میں مصروف ہیں، ایسے میں انھیں سچے ساتھی کی ضرورت ہے، جسے میں ان کی پتنی بن کر پورا کر سکتی ہوں۔واضح رہے کہ اوم شانتی شرما نامی یہ خاتون پہلے سے شادی شدہ اور اس کی ایک 20 سالہ بیٹی بھی ہے۔ خاتون کا دعوی ہے کہ وہ یہ کام کسی سستی شہرت کیلئے نہیں کر رہی کیونکہ وہ خود لاکھوں کی جائیداد کی مالک ہے۔
