نئی دہلی(این این آئی)بھارتی ریاست آسام میں خاتون پولیس افسر جس نے باغیوں کیخلاف آپریشن میں 15ماہ کے دوران 16دہشت گردوں کو ہلاک جبکہ 64 کو گرفتار کیا ریاستی حکومت نے اسے آئرن لیڈی کا خطاب دیا ہے۔بھارتی ٹی وی کے مطابق خاتون آئی پی ایس آفیسر سنجکتا پرشار جو کہ آسام میں بڑھتی ہوئی کرپشن اور دہشت گردی کی وجہ سے کافی فکر مند تھی اس نے اپنی مرضی

سے آسام میں ڈیوٹی لگوائی تھی۔سنجکتا پرشار جو کہ چار بچوں کی ماں ہے اس نے مبینہ طور پر بنگلا دیش سے آنے والے بوڈو دہشت گردوں کیخلاف جو آپریشن شروع کیا اس میں اس نے کلاشنکوف اٹھا کر خود اپنے ہاتھوں سے ساری کارروائیاں کیں اور 16دہشت گردوں کو ہلاک کیا۔سنجکتا پرشار نے جواہر لال نہرو یونیورسٹی سے پی ایچ ڈی کی ڈگری حاصل کی۔اس کا کہنا تھاکہ اس نے اپنی زندگی اینٹی بوڈو دہشت گردی کے خلاف وقف کردی ہے۔