اسلام آباد(مانیٹرنگ ڈیسک)دنیا کی مشہور ترین آن لائن مارکیٹنگ کمپنی ”ایمازون“ کے سی ای او جیف بیزوس دنیا کے امیر ترین شخص قرار۔ تفصیلات کے مطابق مشہور ترین آن لائن مارکیٹنگ کمپنی ”ایمازون“ کے سی ای او جیف بیزوس نے بل گیٹس کا ریکارڈ توڑ دیا ۔امریکی جریدے فوربس کی رپورٹ کے مطابق امریکی اسٹاک مارکیٹ میں ایمازون کے شیئرز کی قدر میں اضافہ ریکارڈ کیا گیا جس کے بعد جیف بیزوس

کے اثاثوں کی مالیت 90.9 ارب ڈالر تک جا پہنچی ۔تین ماہ قبل ہی جیف بیزوس نے وارین بفٹ کو پیچھے چھوڑتے ہوئے دنیا کے دوسرے امیر ترین شخص ہونے کا اعزاز حاصل کیا تھا اور ان کی کمپنی کی مارکیٹ ویلیو میں مسلسل اضافہ ہو رہا ہے۔ماہرین کا کہنا ہے کہ اگر بل گیٹس اپنی آمدنی کا بڑا حصہ فلاحی سرگرمیوں پر خرچ نہ کرتے تو جیف میزوس کبھی دنیا کے امیر ترین شخص کا اعزاز حاصل نہ کر پاتے۔

موضوعات:ایمازون بل گیـٹس جیف بیزوس