کرناٹک(مانیٹرنگ ڈیسک) بھارت کی ر یاست کرناٹک میں مسلمان خاتون پرتشددکی انتہاکردی ۔میڈیارپورٹس کے مطابق بھارتی ریاست کرناٹک میں انتہا پسند ہندو سرکاری ملازم نے دفتر میں کام کرنے والی روزے دار مسلمان خاتون کو تشدد کا نشانہ بنا ڈالا جس کی ویڈیو سامنے آگئی۔مسلمان خاتون کے ساتھ بدسلوکی کا واقعہ ریاست کرناٹک کے ضلع رائچر کے شہر سندھانور میں پیش آیا جہاں بلدیہ میں کام کرنے والے ہندو ملازم شاراناپا نے روزے دار خاتون نسرین کو زوردار لاتیں رسید کیں
جس کی سی سی ٹی وی ویڈیو سامنے آگئی۔ا س بہیمانہ تشددکی رپورٹ نسرین نے مقامی پولیس کوکی اورہندوانتہاپسند ملازم کے بارے میں بتایاکہ دیرسے آنے پر شاراناپانے مجھے تشددکانشانہ بنایاجس پرپولیس نے ملزم کوگرفتارکرلیاہے ،مقامی بلدیہ کے حکام کاکہناہے کہ انہوںنے نسرین کے ساتھ بدسلوکی کرنے والے ملازم کوادارے سے فارغ کردیاہے ۔حکام کے مطابق یہ واقعہ اس دن پیش آیاجس دن سرکاری چھٹی تھی اورزیادہ کام کی وجہ سے نسرین اوردیگرملازمین کودفترمیں بلایاگیاتھا۔
