ریاض (مانیٹرنگ ڈیسک)سعودی عرب میں مقیم غیرملکیوں کے بارے میں آئے روزواقعات پیش آتے رہتے ہیں لیکن اب ایک بھارتی باشندے کے بارے میں اہم انکشافات سامنے آئے ہیں ۔میڈیارپورٹس کے مطابق بھارتی شہری گناپرکسن راجہ ماریان جب سے سعودی عرب آیااوراس کی زندگی ہی اجیرن ہوکررہ گئی اور24سال کی عمر میں سعود ی عرب کام کےلئے آیاتھالیکن اب اسکی عمر52سال سے بھی زائد ہوچکی ہے
۔گناپرکسن راجہ ماریان مل ناڈو کے شہر کنیاکماری میں رہا کرتا تھا لیکن سعودی عرب آنے کے بعد تو مصائب کی انتہا ہو گئی۔ اپنا گھر تو دور کی بات وہ قریبی سعودی شہر حائل بھی کبھی نہ جاسکا۔ حال ہی میں ولی عہد محمد بن نائف کی جانب سے غیر قانونی طور پر مملکت میں مقیم غیر ملکیوں کیلئے عام معافی کا اعلان کیا گیا تو پہلی بار اس کیلئے وطن واپس جانے کی امید پیدا ہوئی ہے۔یہ بھارتی شہری سعود ی عرب کے ایک دوردرازکے گائوں میں 1994میں کسان کے طورپرکام کرنے کےلئے آیاتھا۔ اسے ابتدائی کچھ عرصے کے دوران ہی ایک سے دوسرے اور پھر تیسرے کفیل کے حوالے کر دیا گیا۔ چونکہ اسے تنخواہ نہیں ملتی تھی لہٰذا اس نے فرار ہوجانے کا فیصلہ کیا۔ کفیل سے فرار ہونے کے بعد اس کی قسمت میں صرف صحرا تھے، جہاں اس نے اپنی نصف زندگی گزاری دی۔ بھارتی شہری گناپرکسن راجہ ماریان نے بتایاکہ جب وہ سعود ی عرب میں آیاتھاتواس کی عمر24سال اوراسکی 4کمسن بیٹیاں تھیں اوراب تووہ جوان ہوچکی ہونگی و ہ اپنی بچیوں کوان کے بچپن میں پیاربھی نہیں دے سکاجوکہ ایک والد کی حسرت ہوتی ہے ۔اب سعود ی عرب نے غیرقانونی مقیم غیرملکیوں کےلئے معافی کااعلان کیاہے تواب راجہ ماریان بھارت واپس جانے کی تمام تیاریاں مکمل کرلی ہیں اور بھارت واپس آجائے گا۔
