جمعہ‬‮ ، 04 اپریل‬‮ 2025 

پاکستان سری لنکا کی مدد کو پہنچ گیا،بڑے پیمانے پر کام شروع

datetime 31  مئی‬‮  2017
ہمارا واٹس ایپ چینل جوائن کریں

اسلام آباد /کولمبو (آئی این پی ) پاکستان نیوی اپنے جہاز پی این ایس ذوالفقار کے ذریعے سری لنکا کے سیلاب سے متاثرہ علاقوں میں امدادی سر گرمیاں جاری رکھے ہوئے ہے۔پی این ایس ذوالفقار، جہاز پر موجود ایلویٹ ہیلی کاپٹر، امدادی اشیاء، طبی سہولیات اور ادویات کیساتھ کو لمبو پہنچ چکا ہے۔ سری لنکا میں اسوقت ناگہانی سیلابی صورتحال ملک کے مختلف حصوں میں تباہی کا باعث بنی ہوئی ہے۔

سیلابی صورتحال اور زمینی تودے سرک جانے کی وجہ سے اب تک 183اموات واقع ہو چکی ہیں جبکہ 5 لاکھ سے زیادہ لوگ بے گھر ہو چکے ہیں ۔ پی این ایس ذوالفقار اپنے ساتھ تازہ اور خشک راشن، بستر، ادویات، سیلابی پانی نکالنے والے پمپ اور دیگر امدادی اشیاء لے کر گیا ہے۔ پی این ایس ذوالفقار نے متاثرہ علاقوں میں مختلف جگہوں پر میڈیکل کیمپ قائم کئے ہیں۔ جہاں ماہر ڈاکٹرز اور پیرامیڈیکل سٹاف لوگوں کو طبی سہولیات فراہم کر رہے ہیں۔ جہاز پر موجود ٹیمیں متاثرہ علاقوں میں آلودہ کنوؤں کو خاص آلات کے ذریعے آلودگی سے پاک کرنے میں مصروفِ عمل ہیں۔SSG(N)اور پاک میرینز کے تریبت یافتہSailorsپر مشتمل جہاز پر موجود ڈیزاسٹرریلیف ٹیمیں مختلف جگہوں پر سری لنگن حکام کی جانب سے دیئے گئے احکامات کے مطابق امداد فراہم کر رہی ہیں۔ جہاز پر موجود غوطہ خور ٹیمیں بھی مختلف آپریشنز جن میں دریاؤں میں گہرے مقامات پر رکاوٹیں دور کرنا شامل ہے۔ جیسے کاموں پر مامور کی گئی ہیں ۔ سیلاب سے متاثرہ علاقوں میں Search and Rescueآپریشنز کے لئے جہاز پر موجود ہیلی کاپٹر اور تیز رفتار کشتیاں امدادی سرگرمیوں میں مصروف ہیں۔گزشتہ روز پاکستان کے قائم مقام ہائی کمشنر ڈاکٹر سر فراز احمد خان سپرا اور پی این ایس ذوالفقار کے کمانڈنگ آفیسر کیپٹن فیصل جاوید شیخ نے امدادی سامان سری لنکا کے

وزیر خارجہ جناب راوی کرونانایک کے حوالے کیا۔سری لنکا کی سیاسی اور عسکری قیادت نے پاکستان نیوی کی ان امدادی سر گرمیوں کو سراہااوراس فوری ردعمل اور مشکل کی اس گھڑی میں امداد فراہم کرنے پرپاکستان بلخصوص پاکستان نیوی کا شکر یہ ادا کیا۔ پاکستان نیوی پاکستان کی بحری سر حدوں کی حفاظت کے ساتھ ساتھ بین الاقوامی برادری کو انسانی بنیادوں پر مدد فراہم کرنے میں ہمیشہ پیش پیش رہی ہے ۔پاکستان نیوی کا یہ عزم اور ارادہ ماضی میں مختلف موقعوں پر دیکھنے میں آیا جن میں2004میں انڈونیشیاء اور مالدیپ میں آنے والے سمندری طوفان سونامی کے دوران امدادی سر گرمیاں،2011میں ایم وی سویز کے عملے کو قزاقوں کے قبضے سے نجات دلانہ اور 2015میں یمن میں محصور ملکی و غیر ملکی شندوں کو باحفاظت نکالنا شامل ہیں۔ پاکستان کے عوام اور پاکستان نیوی مشکل کی اس کھڑی میں سری لنکا کی حکومت اور لوگوں کو امداد فراہم کرنے میں کوئی کثر نہیں اُٹھا رکھیں گے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…