امرتسر (آن لائن) کل جماعتی سکھ کوآڈنیشن کمیٹی نے سکھوں سے اپیل کی ہے کہ وہ بے گناہ کشمیری نوجوانوں کے حالیہ قتل کی وجہ سے بیساکھی کا میلہ سادگی سے منائیں۔سکھ تنظیم ’’ دل خالصہ‘‘ نے کہا ہے کہ بھارت کشمیر میں ایک ہاری ہوئی جنگ لڑ رہا ہے اور وہ جموںوکشمیر پر اپنا تسلط برقراررکھنے کیلئے طاقت کا وحشیانہ استعمال کر رہا ہے۔ کشمیر میڈیاسروس کے مطابق ’’دل خالصہ‘‘ رہنمائوں ایچ ایس چیمہ، کنور پال سنگھ اور ایچ ایس دامی نے امرتسر میں ایک مشترکہ بیان میں کہا کہ بھارتی فوجی کشمیری
نوجوانوں کو بے رحمی سے قتل کر رہے ہیں جبکہ عالمی طاقتیں کشمیریوں کی مشکلات سے آنکھیں بند کیے بیٹھی ہیں۔ انہوں نے کشمیری عوام خاص طور پر بھارتی ریاستی دہشت گردی کا شکار خاندانوں کے ساتھ بھر پور اظہار یکجہتی کرتے ہوئے کہا کہ انتخابات حق خود ارادیت کا نعم البدل نہیں ہوسکتے ۔ دریں اثنا کل جماعتی سکھ کوآڈنیشن کمیٹی نے سکھوں سے اپیل کی ہے کہ وہ بے گناہ کشمیری نوجوانوں کے حالیہ قتل کی وجہ سے بیساکھی کا میلہ سادگی سے منائیں۔۔انہوں نے کہا سادگی سے بیساکھی کی تقریب منانامظلوم کشمیر ی سے اظہاریکجتی ہوگا
