اسلام آباد (مانیٹرنگ ڈیسک) کرنل (ر) حبیب ظاہر کے اغوا میں را کے ملوث ہونے کی تصدیق ہوگئی ہے ، کرنل (ر) حبیب ظاہر نے جس ویب سائیٹ پر نوکری کا اشتہار دیکھ کر اپلائی کیا تھا وہ سب جعلی آسامیاں ہیں اور ایک سال سے ویب سائیٹ پر موجود ہیں ۔ اس ویب سائیٹ کی ہوسٹنگ بگ راک ڈاٹ ان کا دفتر ممبئی میں اور اس کا ایڈریس اولڈ نگر داس روڈ ممبئی مہاراشٹر ہے ، ذرائع کا کہنا ہے کہ سٹیٹ سلوشنز اور تاج محل ویب سائیٹ کا کوڈنگ

سٹائل بھی ایک جیسا ہے ، ویب سائیٹ کو ہوسٹ کرنیوالے بگ راک کا رابطہ نمبر 00912230797900 ہے ۔ کرنل (ر) حبیب ظاہر کے اہلخانہ کا کہنا ہے کہ کلبھوشن یادیو کو سزائے موت کا اعلان ہوتے ہی بھارت اوچھے ہتھکنڈوں پر اتر آیا ہے اور ایسی حرکتیں کر کے پاکستان کو تنگ کرنے کی کوشش کی جا رہی ہے ، پاکستان کا کہنا ہے کہ اس معاملے کو جلد حل نہ کیا گیا تو اس معاملے کو برطانوی حکومت کے ساتھ بھی اٹھایا جا سکتا ہے ۔