اسلام آباد (مانیٹرنگ ڈیسک) یادش بخیر کہ گزشتہ روز بھارتی فوج کے ایک سپوت نے اپنی فوج کا سارا کچا چٹھا پوری دنیا کے سامنے کھول دیا تھا۔ ایک ویڈیو جس میں اس نے بتایا تھا کہ کس طرح سرحد پربھارتی فوجی اپنی زندگی کے دن گزار رہے ہیں جس پر پوری دنیامیں بھارتی افواج کا مذاق بھی بنا ۔اب تازہ ترین میڈیا رپورٹس کے مطابق بھارتی بارڈر سیکورٹی فورسکی بدحالی کی پول پٹی کھولنے والے اہلکارکا لائن آفکنٹرول سے تبادلہ کردیا گیا ہے۔ تیج بہادر کہتا ہے ہمت کرکے سچ سنایا،

تحقیقات ہوئیں تو حقیقت سامنے آجائے گی ۔ تیج بہادر نے ویڈیو ہٹانے سے بھی صاف انکار کر دیا ہے جبکہ بھارتی وزیر داخلہ راج ناتھ سنگھ نے انکوائری کا حکم دیدیا ہے۔کم خوراکی کی دہائی دینے والے بی ایس ایف کی 29ویں بٹالین کے اہلکار تیج بہادرکا لائن آف کنٹرول سے ہیڈ کوارٹر پونچھ تبادلہ کردیا گیا ہے۔تیج بہادرنے بھارتی فوج کا بھانڈا پھوڑنے والی ویڈیو ہٹانے سے صاف انکار کر دیا ، اس کا کہنا ہے جو کہا سچ کہا،تحقیقات کرلوجو سچ ہے وہ سب کے سامنے آجائے گا۔بھارتی اہلکار نے کہا کہ اگر میرا نقصان ہو کر دوسرے سپاہیوں کا بھلا ہو سکتا ہے تو مجھے منظور ہے۔واضح رہے کہ تیج بہادر نے انکشاف کیا تھا کہ گودام خوراک سے بھرے ہوتے ہیں اور بڑے افسر انہیں بیچ کر پیسے کھرے کرلیتے ہیں لیکن سپاہی بھوکے رہتے ہیں۔

موضوعات:تیج بہادر