احمد آباد(مانیٹرنگ ڈیسک) بھارت میں ایک ایسا “چائے والا ” پکڑا گیا جو کہ ارب پتی ہےبتایا گیا ہے کہ 50 سالہ کشور بھجیاوالا نے شہر سورت میں 20 سال قبل چائے کا کھوکھا لگاکر کمائی کا ذریعہ شروع کیا۔ اسکے کھوکھے پر آلو کے چپس بسکٹ سنیکس وغیرہ بھی بکتے تھے۔ آہستہ آہستہ وہ کاروبار بڑھاتا رہا اب رہ گجرات ایک بڑے فنانسرز میں شمار ہوتا ہے۔
وزیراعظم نریندرمودی کی کالے دھن کے خلاف مہم کے سلسلے میں چھان بین کے دروان محکمہ انکا ٹیکس نے کشور بھیجاوالا کے اثاثوں اور دولت کا پتہ چلایا جو 6 ارب روپے سے زائد بنتی ہے جبکہ 11 کروڑ کا سونا اور زیورات اسکے علاوہ ہیں۔ کشور مودی کی جماعت بی جے پی اور اس کے رہنماؤں کو بھی بھاری چندہ دیتا رہا ہےلیکن جب اس نے بی جے پی کے رہنمائوں سے رابطہ کیاتوانہوں نے کہاکہ قانون کاسامناکرو۔تمھارامعاملہ سنگین ہے ہم تمھارے لئے کچھ نہیں کرسکتے ہیں ۔
