سرینگر(این این آئی)مقبوضہ کشمیرکے ضلع جموں میں بھارتی فوج کی ایک خاتون اہلکار نے گولی مار کر خودکشی کر لی ہے ۔ کشمیرمیڈیاسروس کے مطابق 36سالہ خاتون افسر میجر انیتا کماری جموں کے علاقے Bari Brahmanaمیں اپنی سرکاری رہائش گاہ پر اپنے سروس پستول سے گولی مارکر خودکشی کی ۔ خاتون افسر کا تعلق بھارتی ریاستی ہماچل پردیش سے تھا اور وہ جموں کے 259فیلڈ سپلائی ڈپومیں تعینات تھی ۔
ادھربھارتی فوج کی حمایت یافتہ دہشت گردی ملیشیادیہات دفاع کمیٹی کے ایک رکن جرمی سنگھ نے کٹھوعہ کے علاقے بانی کھادر میں اپنی سروس رائفل سے گولی مارکر خودکشی کر لی ہے ۔ ان واقعات سے مقبوضہ کشمیرمیں جنوری 2007سے خودکشی کرنے والے بھارتی فوجیوں اور پولیس اہلکاروں کی تعداد بڑھ کر 374ہوگئی ہے ۔

موضوعات:خاتون افسر