امرتسٹر(نیوزڈیسک)ہارٹ آف ایشیاء کانفرنس میں پاکستان پر تنقید کرنا بھارت کو بھاری پڑ گیا،روس کا سرپرائز،پہلی باربھارت کیخلاف اُٹھ کھڑاہوا، تفصیلات کے مطابق روس نے دو ٹوک الفاظ میں بھارت اور افغانستان کی جانب سے پاکستان پر لگائے الزامات کو غلطی قرار دیدیاہے ۔ روسی نمائندے نے بھارت کو سخت الفاظ میں انتباہ کرتے ہوئے کہا ہے کہ ہارٹ آف ایشیاء کانفرنس کا ایجنڈا ہائی جیک نہیں ہوا، الزامات کا کھیل نہیں ہونا چاہیے۔ روسی نمائندے ضمیر کابلوف نے بھارتی سرزمین پر ہی کھل کر پاکستان کی حمایت کی اور سرتاج عزیز کی تقریر کوبہت تعمیری اور دوستانہ قراردیا جبکہ بھارتی موقف پر شدید تنقید کی ۔روس نے ہارٹ آف ایشیا کانفرنس میں بھارت اور افغانستان کی جانب سے پاکستان پر لگائے گئے الزامات کو غلطی قرار دیدیا ہے۔ کابل کیلئے روسی نمائندے ضمیر کابلوف نے اپنے خطاب میں پاکستانی مشیر خارجہ سرتاج عزیز کی تقریر کی تعریف کی اور کہا کہ ان کی تقریر بہت تعمیری اور دوستانہ تھی۔ پاکستان پر تنقید کرنا غلط تھا۔ الزامات کا کھیل نہیں ہونا چاہیے۔ ضمیر کابلوف نے کہا کہ ہارٹ آف ایشیاء کانفرنس کا مجموعی محور افغانستان اور خطہ ہے۔ کانفرنس کا ایجنڈا ہائی جیک نہیں ہوا۔ کانفرنس کے شرکاء4 دوست اور حمایتی ہیں۔ روس خطے میں ہر ایک سے بہتر تعلقات کیلیے کام کر رہا ہے۔