اسلام آباد (مانیٹرنگ ڈیسک) تازہ ترین اطلاعات کے مطابق سعودی وزارت حج و عمرہ کے ترجمان کا کہناہے کہ رواں سال عمرہ زائرین زائدفیس نہیں لی جائےگی،سعودی وزارت حج وعمرہ کے مطابق آیندہ سال دوسری مرتبہ آنے پر2ہزارریال فیس اداکرنی ہوگی،پاکستانی،بھارتی اورمصری عمرہ کمپنیوں کو ن نئے قوانیں وضوابط سے آگاہ کردیاگیا۔گذشتہ چند ماہ سےسعودی وزارت برائے حج وعمرہ کے قوانین میں تبدیلیاں شروع کر رکھی تھیں،اب وزارت حج وعمرہ نے ان نئے قوانین کو منظور کر لیا ہے۔ اب اگلے سال سے عمرہ کرنے والے افراد کو پہلی دفعہ پر ویزا فیس ادا نہیں کرنی پڑے گی .جبکہ اگلے سا ل پہلی دفعہ کے بعد ویز ا فیس جمع کروانی پڑے گی۔
دوسری جانب ایف پی سی سی آئی قائمہ کمیٹی برائے ایوی ایشن کے چیئرمین محمد یحییٰ پولانی نے سعودی حکومت کی جانب سے عمرہ ویزہ فیس کی واپسی کے فیصلے کا خیر مقدم کیا ہے۔اس موقع پر محمد یحییٰ پولانی کا کہنا تھا کہ ٹریول ایجنٹس ایسوسی ایشن نے عمرہ ویزہ فیس لگائے جانے کے مسئلے کو حل کرانے کے لیے ہر سطح پر کوشش کی۔انھوں نے کہا کہ سعودی حکومت کی جانب سے عمرہ ویزہ پرلگائی گئی فیس کی واپسی کا فیصلہ خوش آئند ہے جس پر ہم سعودی حکومت کے شکر گزار ہیں۔