’’آنکھ کھلی بھی تو دو ہفتے بعد‘‘ پاک فوج نے تو یہ کام کیا ہی نہیں ۔۔ بھارت نے کس معاملے میں پاکستان کو جھوٹا کہہ دیا

3 دسمبر‬‮ 2016

نئی دہلی ( آن لائن ) بھارتی بحریہ کے سربراہ ایڈمرل سنیل لانبا کی آنکھ 2ہفتے بعد ’’اچانک ‘‘ کھل گئی اور انہیں یاد آیا ہے کہ پاکستان نے اپنی حدود میں جس بھارتی آبدوز کو مار بھگایا تھا وہ ہندوستان کی نہیں تھی ،اچانک بیدار ہونے پر ہندوستانی بحریہ کے سربراہ نے پاکستان کی جانب سے اپنے پانیوں میں بھارتی آبدوز کو مار بھگانے کے دعوے کو مسترد کرتے ہوئے کہا ہے کہ کسی بھی ملک کی آبدوز کو پسپا کرنا آسان کام نہیں ہوتا،پاکستان نیوی کی جانب سے کیا جانے والا دعویٰ مکمل طور پر بے بنیاد ہے ،پاکستان کے پانیوں میں کوئی آبدوز تعینات نہیں کی ،آپریشنل ضرورت کے مطابق آبدوزوں کی تعیناتی جاری رہے گی ،گوادر میں چینی بحریہ کی موجودگی پر نظرقریبی رکھے ہوئے ہیں او ر اس سے نمٹنے کیلئے تیا ر ہیں۔
نیوی ڈے کے موقع پر سالانہ بریفینگ کے دوران میڈیا کو بتایا کہ گوادرپورٹ میں چینی بحریہ کی موجودگی کی نگرانی کررہے ہیں اوربھارت اس سے نمٹنے کیلئے تیا رہے۔انھوں نے کہاکہ کسی بھی ملک کی آبدوز کو پسپا کرنا آسان کام نہیں ہوتا،پاکستان نیوی کی جانب سے کیا جانے والا دعویٰ مکمل طور پر بے بنیاد ہے ،ہم اپنی آبدوزوں کی آپریشنل ضروریات کے مطابق اور جہاں انکی ضرورت پڑے گی تعیناتی جاری رکھیں گئے۔ انہوں نے کہا کہ گوادر میں چینی بحریہ کی موجودگی پر نظرقریبی رکھے ہوئے ہیں، ہم کسی بھی تعینات طاقت سے نمٹنے کیلئے مکمل صلاحیت اور اثاثے رکھتے ہیں، کب ایسا کرنا ہے ؟ہمارے پاس اس سے نمٹنے کیلئے منصوبہ ہے۔واضح رہے کہ 18نومبر کو بھارتی آبدوز نے پاکستا ن کے جنوبی پانیوں میں گھسنے کی کوشش کی تھی تاہم پاکستان نیوی نے اسے پسپا کرتے ہوئے واپس جانے پر مجبور کردیا تھا۔

موضوعات:بھارت پاکستان