اسلام آبا د (مانیٹرنگ ڈیسک) دنیا اس وقت تیزی سے جوہری جنگ کی طرف بڑھتی جا رہی ہے ۔ اور ماہرین کے مطابق اب کی بار اگر جنگ چھڑی تو دنیا کا بہت نقصان ہوگا ۔ اب میڈیا ذرائع کے مطابق روس نے امریکا کی طرف سے ممکنہ جوہری حملے کا مقابلہ کرنے کیلئے بعض تدابیر اختیار کی ہیں۔میڈیا رپورٹس کے مطابق روسی صدر ولادی میر پوتن نے ممکنہ ایٹمی جنگ کا مقابلہ کرنے کیلیے 12ملین افراد کے لیے ایک زیر زمین پناہ گاہ تعمیر کروائی ہے۔واضح رہے کہ چند روز قبل روسی صدر ولادیمیر پوتن نے روس اور امریکا کے درمیان پلوٹونیم کو ناکارہ بنانے کے معاہدے کو ملتوی کرنے پر مبنی ایک قرار داد پر دستخط کیے ہیں۔دریں اثنا گزشتہ روز روسی دارالحکومت ماسکو میں ایوان زیریں کے نو منتخب ارکان اسمبلی کا افتتاحی سیشن ہوا‘ اس افتتاحی سیشن سے صدر پوتن نے خطاب کیا۔قبل ازیں صدر پوتن نے روس ، یوکرائن تناؤ میں ماسکو پر واشنگٹن کی طرف سے پابندیوں کے بعد امریکا سے نیوکلیئر و توانائی تحقیقاتی معاہدہ ملتوی کردیا۔

دوسری جانب مسلم لیگ (ق) کے سینیٹر مشاہد حسین سیدنے کہاہے کہ مقبوضہ کشمیر میں انسانی حقوق کی خلاف ورزیوں سے متعلق ڈوزیئر امریکاکے حوالیکردیاہے ٗامریکا میں بھارت کے سرجیکل اسٹرائیک سے متعلق دعوؤں کو سنجیدگی سے نہیں لیاگیا۔ایک انٹرویو میں مشاہد حسین سید نے کہا کہ وزیراعظم نوازشریف کی جانب سے دنیا بھرمیں مسئلہ کشمیر اجاگر کرنے کیلئے پارلیمانی نمائندوں کوبھیجا گیا ہے۔ ہمارے وفد نے امریکا میں مسئلہ کشمیر سے متعلق مختلف فورمز پرگفتگوکی ہے ٗ اداروں اور شخصیات نے پاکستان کیموقف کوسناہے۔انہوں نے بتایاکہ انسانی حقوق سے متعلق ڈوزیئرامریکی محکمہ خارجہ کے حوالے کیاہے ٗامریکانے وعدہ کیاہے کہ آئندہ سال انسانی حقوق سے متعلق رپورٹ میں مقبوضہ کشمیرسے متعلق بیان کیے گئے حقائق کوبھی شامل کیاجائیگا۔

موضوعات:ایٹمی جنگ