نئی دہلی /سری نگر(این این آئی)بھارتی آرمی چیف جنرل دلبیر سنگھ نے لائن آف کنٹرول(ایل اوسی) پر مبینہ سرجیکل سٹرائیک کرنے والے فوجی دستے سے ملاقات کی اور سرحدی علاقوں میں فوجی تیاریوں کا بھی جائزہ لیا ، جنرل دلبیر سنگھ نے پاکستانی سرحد سے متصل علاقوں میں بھارتی فوج کی تیاریوں کا جائزہ بھی لیا ،بھارت کے اس دعوے کے بعد کہ اس نے لائن آف کنٹرول کے اس پار سرجیکل سٹرائیک کی ہے بھارتی فوجی سربراہ کا کشمیر کا یہ پہلا دورہ تھا۔ ادھربھارتی اخبارات نے لکھا ہے کہ سرحد پر کشیدگی کی وجہ سے اپنے گاؤں چھوڑکر جانے والے بہت پریشان ہیں ،ایسے لوگ جنگ سے زیادہ پریشان اپنی فصل کے تعلق سے ہیں جو اس وقت کٹنے کے لیے تیار ہے اور دہشت زدہ کچھ خاندان تو اپنے ساتھ مویشی بھی لے کر بھاگ رہے ہیں،بھارتی ٹی وی کے مطابق گزشتہ روز بھارتی فوج کے سربراہ جنرل دلبیر سنگھ نے لائن آف کنٹرول(ایل اوسی) پر مبینہ سرجیکل سٹرائیک کرنے والے فوجی دستے سے ملاقات کی اور سرحدی علاقوں میں فوجی تیاریوں کا بھی جائزہ لیا ۔بھارتی فوج کے سربراہ جنرل دلبیر سنگھ نے کنٹرول لائن پرسرجیکل سٹرائیک کرنے والے فوجی دستوں سے ملاقات کی ،بھارتی اخبار کے کے مطابق جنرل دلبیر سنگھ نے پاکستانی سرحد سے متصل علاقوں میں بھارتی فوج کی تیاریوں کا جائزہ بھی لیا ۔انھوں نے ادھم پور میں مختلف کمانڈروں سے ملاقات کی اور موجودہ سکیورٹی کی صورت حال کا جائزہ لیا۔بھارت کے اس دعوے کے بعد کہ اس نے لائن آف کنٹرول کے اس پار سرجیکل سٹرائیک کی ہے بھارتی فوجی سربراہ کا کشمیر کا یہ پہلا دورہ تھا۔ ادھربھارتی اخبارات نے اپنے پہلے صفحے پر سرحد سے متصل دیہی علاقوں میں پھیلنے والی کشیدیگی کا ذکر کیا ،اخبار نے ان خاندانوں کی تصاویر اور حالات بھی شائع کیے ہیں جنھیں سرحد پر کشیدگی کی وجہ سے اپنے گاؤں چھوڑنے پڑ رہے ہیں۔اطلاعات کے مطابق ایسے لوگ جنگ سے زیادہ پریشان اپنی فصل کے تعلق سے ہیں جو اس وقت کٹنے کے لیے تیار ہے اوریہ لوگ علاقہ چھوڑنے کو تیار نہیں تاہم سرکارانہیں زبردستی علاقہ خالی کرارہی ہے جبکہ دہشت زدہ کچھ خاندان تو اپنے ساتھ مویشی بھی لے کر بھاگ رہے ہیں۔

موضوعات:بھارتی آرمی چیف سرجیکل سٹرائیک