پیرس (نیوز ڈیسک) فرانس میں منعقدہ 9 یورپی ممالک کے وزرائے داخلہ کے اجلاس میں فیصلہ کیاگیا ہے کہ ٹرین ٹکٹوں پر مسافروں کے نام درج کئے جائیں ۔ تاکہ ٹرینوں کی سکیورٹی بہتر بنائی جاسکے ۔ اجلاس میں جرمنی ، برطانیہ ، اٹلی ، اسپین ، بلیجئم ، ہالینڈ ، سوئزرلینڈ اور لکمبرگ نے شرکت کی ، فرانسیسی وزیرداخلہ نے اجلاس کے بعد بتایا کہ گذشتہ ہفتے پیرس میں ہائی اسپیڈ ٹرین میں ایک حملے کی ناکام کوشش کے بعد نئے سکیورٹی اقدامات ضروری ہوگئے ہیں ۔ ہائی اسپیڈ ریل گاڑیوں میں مسافروں کی چیکنگ اور سامان کی تلاشی بڑھا دی جائیگی ۔