اوسلو (نیوز ڈیسک) ناروے کی جیل میں قیدیوں نے فحش فلمیں دیکھنے کیلئے جیل کا ٹی وی سسٹم ہیک کرلیا ۔ ہیک کی مدد سے قیدی ایک دوسرے کیساتھ ویڈیوز شیئربھی کرسکتے تھے اور پیغامات بھی بھیج سکتے تھے ۔ حکام کو اس کارروائی کی بھنک اس وقت پڑی جب انہوں نے محسوس کیاکہ ٹی وی سسٹم پر ڈیٹا ٹریفک بہت بڑھ گئی ہے اور ٹی وی سیٹ معمول سے زیادہ خراب بھی ہورہے ہیں ، تحقیقات میں قیدیوں کی کارروائی پکڑی گئی ۔ واضح رہے ناروے میں قیدیوں کو سزاءکے بجائے اصلاح کیلئے جیلوں میں سہولیات فراہم کی جارہی ہیں اور ان سہولیات میں فلیٹ سکرین ٹی وی اور فریج شامل ہیں