تیونس (نیوز ڈیسک)تیونس کے شہر میں نامعلوم افراد نے فائرنگ کرکے ایک پولیس اہلکار کو ہلاک اور دو کو زخمی کردیا ۔ سکیورٹی حکام نے بتایا ہے کہ موٹرسائیکل پر سوار دو افراد نے پولیس اہلکاروں پر فائرنگ کی اور فرار ہوگئے ۔ پولیس نے علاقے میں بڑے پیمانے پر سرچ آپریشن شروع کردیا ہے ۔ واضح رہے کہ دو ماہ قبل تیونس کے ساحل سمندر پر ایک شخص نے فائرنگ کرکے 30 برطانوی شہریوں سمیت 38 سیاحوں کو موت کے گھاٹ اتار دیا تھا ۔ اس واقعہ کے بعد حکومت نے ملک بھر میں سرچ آپریشن بھی کئے تھے جبکہ نئی قانون سازی بھی کی گئی تھی ۔