امریکی ریاست واشنگٹن کے جنگل میں لگنے والی آگ کو بجھانے کی کوششوں میں تین افراد ہلاک اور چار زخمی ہوگئے ہیں ۔ حکام کے مطابق آگ بجھانے والے عملے کے یہ افراد اس وقت اپنی جان سے ہاتھ دھو بیٹھے جب وہ ریاست کے شمال وسطی ایک چھوٹے سے علاقے کی طرف بڑھتی ہوئی آگ پر قابو پانے کی کوشش کررہے تھے ۔ اس علاقے میں تقریباً 1500 لوگ آباد ہیں جنہیں محفوظ مقام پر منتقل کرنے کا کہا گیا ہے ، واشنگٹن ریاست کے گورنر جسے انسلی کا کہن اہے کہ وہ آتشزدگی سے ہونیوالی ہلاکتوں پر افسردہ ہیں انسلی نے وفاقی حکومت سے کہا ہے کہ وہ ریاست میں ہنگامی حالت کا اعلان کرے ۔ جس سے یہاں مختلف مقامات پر لگی آگ کو بجھانے کیلئے وسائل دستیاب ہونے میں مدد ملے گی ان کا کہنا تھا کہ آتشزدگی سے 50 گھر اور دیگر 60 عمارتیں تباہ ہوئیں جب کہ 95000 ہیکٹر اراضی بھی متاثر ہوئی ۔ امریکہ کے قومی محکمہ موسمیات نے واشنگٹن ریاست کے مشرقی حصوں میں خراب موسم کا انتباہ جاری کیا ہے اور جمعہ تک یہاں 72 کلومیٹر فی گھنٹہ کی رفتار سے ہوائیں چلنے کا امکان ہے ۔ امریکہ کے مغربی حصے میں واشنگٹن کے علاوہ بعض دیگر امریکہ کے مغربی حصے میں واشنگٹن کے علاوہ بعض دیگر ریاستوں میں بھی ، حالیہ ایسی ہی آتشزدگی ہوچکی ہے ۔ جن میں کیلیفورنیا آئڈا ہو ، مونتانا اور اروگون شامل ہیں ۔