واشنگٹن(نیوز ڈیسک) امریکی وزیر خارجہ جان کیری نے کہا ہے کہ اگرچہ افغانستان کو متعدد چیلنج درپیش ہیں تاہم بہت سی ایسی باتیں بھی ہیں جن پرافغان عوام بجا طور پر جشن منایا جا سکتا ہے۔انھوں نے یہ بات افغانستان کے یوم آزادی کے موقع پر جاری کردہ ایک اخباری بیان میں کہی ہے جوگذشتہ روز منایا گیا۔جان کیری نے کہا ہے کہ ایسے میں جب آپ اِن کامیابیوں کا اظہار کر رہے ہیں، ہم آپ کے ساتھ کھڑے ہیں۔ ہم آپ کی ہمت، آپ کی جانفشانی اور اِنھیں (کامیابیوں کو) جاری رکھنے کے ارادے، اور آئندہ برسوں کے دوران مزید بہتری کے اقدام کرنے کے عزم پر آپ کو سلام پیش کرتے ہیں۔وزیر خارجہ نے کہا کہ امریکہ کے صدر اور امریکی عوام کی جانب سے، میں افغانستان کے عوام اور حکومت کو نیک تمناو¿ں کا پیغام بھجھ رہا ہوں۔جان کیری کا کہنا تھا کہ یہ دِن افغان عوام کی شجاعت اور عزم کا غماز ہے۔انھوں نے کہا کہ گذشتہ برس ہم نے اس بات کا مشاہدہ کیا کہ افغانستان نے حقیقی پیش رفت کی جانب قدم اٹھائے ہیں، جن کی مدد سیافغان عوام کی زیادہ جمہوری، خود پر انحصار کرنے اور محفوظ مستقبل کو یقینی بنانے سے متعلق خواہشات پوری ہوتی ہیں۔جان کیری نے اس امید کا اظہار کیا کہ ’اس ضمن میں افغانستان کے ساتھ قریبی تعاون جاری رہے گا، جب کہ اس باہمی دوستی کے رشتے مزید وسیع اور گہرے ہوں گے۔