دمشق(نیوزڈیسک) عراق وشام میں سرگرم انتہاءپسند تنظیم داعش کے خود ساختہ خلیفہ ابوبکر البغدادی نے یرغمال امریکی امدادی کارکن کائیلا موئیلرکی فروری میں ہلاکت سے قبل دوران حراست متعدد مرتبہ اس کی عصمت دری کی۔اس بات کا دعوی آنجہانی میلولر کے خاندان کے حوالے سے امریکی چینل پر نشر ہونےوالی خبر میں سامنے آیا،سیکیورٹی ذرائع نے کائیلا کے اہل خانہ کو بتایا تھاکہ شمالی شام کے رہائشی علاقے میں اٹھارہ ماہ تک ان کی بیٹی کی حراست کے دوران اسے ابوبکر البغدادی نے کئی مرتبہ اپنی ہوس کا نشانہ بنایا۔چینل سے بات کرتے ہوئے کائیلا کے والد کا کہنا تھا کہ ہمیں بتایا گیا کہ اسے تعذیب دی جاتی تھی، وہ البغدادی کی جاگیر بنا کر رکھی گئی تھی۔ ہمیں اس امر کی اطلاع جون میں امریکی حکومت نے کر دی تھی۔آنجہانی امدادی کارکن کے والدین کارل اور مارشا میلولر نے بتایا کہ اگر ان کی بیٹی بقید حیات ہوتی تو وہ آج اپنی ستائیسوں سالگرہ منا رہی ہوتی۔داعش کا دعوی ہے کہ کائیلا الرقہ میں اردنی لڑاکا طیاروں کی بمباری میں ہلاک ہوئی۔