واشنگٹن(نیوزڈیسک)امریکی صحافی اسٹیفن لنڈمین نے انکشاف کیا ہے کہ امریکن اسرائیل پبلک افیئرز کمیٹی اورصیہونی حکومت ایران اورعالمی طاقتوں کے درمیان ہونے والے ایٹمی معاہدے کو ناکام بنانے کے لیے 10کروڑ ڈالر کی خطیر رقم خرچ کررہی ہیں،امریکی مصنف اور صحافی اسٹیفن لنڈمین نے ایک ٹی وی انٹرویومیں ککہاکہ میرا خیال یہ ہے کہ امریکن اسرائیل پبلک افیئرز کمیٹی، صیہونی حکومت اور اس حکومت کو مالی مدد دینے والی پارٹیاں ایران اور گروپ پانچ جمع ایک کے ایٹمی معاہدے کو ناکام بنانے کے لئے دس کروڑڈالر خرچ کر رہی ہیں۔ اسٹیفن لینڈمین کا مزید کہنا تھا کہ ان پارٹیوں میں شامل لوگ ایران کی نابودی کے خواہاں ہیں، یہ ایران کے ساتھ جنگ چاہتے ہیں اور یہ چاہتے ہیں کہ خطے میں اسرائیل کا اصل دشمن راستے سے ہٹ جائے۔ امریکی مصنف اور صحافی اسٹیفن لنڈمین نے مزید کہا کہ امریکی کانگریس کے پاس ویانا ایٹمی معاہدے کو منظور یا مسترد کرنے کے لئے ساٹھ دنوں کے لگ بھگ وقت ہے اور اس بات کا امکان پایا جاتا ہے کہ اس سلسلے میں ستمبر یا شاید اس سے بھی پہلے ووٹنگ ہو جائے گی