اسلام آباد(نیوز ڈیسک)سینٹرل شارجہ کے علاقہ وادی افسانی میں تین سالہ اماراتی بچہ والدکی گاڑی کے نیچے آکر ہلاک ہوگیا ، والد کو غفلت برتنے پر پولیس نے حراست میں لے لیا، پولیس ذرائع کے مطابق بچہ کے والد نے جب گاڑی صحن میںپارک کرنا چاہی تب اسے پتانہیںچلا کہ اسکا بچہ وہاں پر کھیل رہا ہے ، گاڑی کے نیچے آکر بچہ شدید زخمی ہوگیا ، حادثہ کے فوراً بعدبچے کے والد نے اسے ہسپتال پہنچایا جہاںڈاکٹرز نے بتایا کہ بچہ کی وفات ہوچکی ہے ، ہسپتال ذرائع کے مطابق اندرونی زخموں کی وجہ سے بچہ کا خون بہت زیادہ بہہ گیا تھا جوفوری موت کا باعث ثابت ہوا۔ پولیس کاکہنا تھا کہ سینٹرل علاقہ میں یہ اس نوعیت کا تیسرا واقعہ ہے ، اس قسم کے واقعات سے بچاﺅ کے حوالے سے انہوں نے لوگوں پر زور دیا کہ وہ گھر میں یا کہیں بھی گاڑی پیچھے کرتے وقت اس بات کا دھیان کرلیں کہ کوئی بچہ وہاں ارگرد کھیل نہ رہا ہو ، معمولی سی احتیاط اور ذمہ دارانہ رویہ معصوم بچوں کی زندگیاں بچا سکتا ہے ۔