نئی دہلی (نیوزڈیسک)بھارت کی سب سے بڑی ریاست اتر پردیش کے رام پور ضلعے میں ایک سرکاری اجلاس کے دوران موبائل فون استعمال کرنے کی وجہ سے ایک افسر کے خلاف تحقیقات کی جا رہی ہیں۔یہ واقعہ اس وقت پیش جب چیف سیکریٹری (ہوم گارڈز) بھوپیندر سنگھ ضلعی حکام کے ساتھ ترقیاتی کاموں کا جائزہ لے رہے تھے۔انھوں نے حکام سے اجلاس کے دوران موبائل فون نہ استعمال کرنے کا کہا۔مقامی میڈیا کی اطلاعات کے مطابق پسماندہ طبقے کی بہبود کے افسر ابھیشیک سنگھ پر اجلاس کے دوران ’سہاگ رات کیسے منائیں‘ کی ایپلیکیشن ڈاو¿ن لوڈ کرنے کا الزام ہے۔مقامی میڈیا نے ایپلی کیشن ڈاو¿ن لوڈ کرتے ہوئے ان کی تصاویر بھی شائع کی ہیں۔رام پور کے ضلع مجسٹریٹ کرن سنگھ نے بتایا کہ چیف سیکرٹری نے اجلاس میں موبائل کے استعمال سے منع کیا تھا۔ شکایت ملی ہے کہ ایک افسر موبائل فون کا استعمال کر رہے تھے انھوں نے بتایا کہ ڈسٹرکٹ ڈیولپمنٹ افسر سے تین روز میں تفتیشی رپورٹ پیش کرنے کےلئے کہا گیا اگر متعلقہ افسر کے خلاف الزامات کی تصدیق ہوتی ہے تو ان کےخلاف محکمہ جاتی کارروائی کی جائےگی ضلع مجسٹریٹ نے کہا کہ یہ یقینا ضابط اخلاق کی بات بھی ہے حکام کو صرف کام ہی نہیں کرنا ہے بلکہ انھیں پوری ایمانداری اور اخلاقی ضابطوں کو ملحوظ نظر رکھتے ہوئے کام کرنا ہے کرن سنگھ یہ خیال بھی ظاہر کیا کہ حکام کی جانب سے اس طرح کے عمل سے انتظامیہ کی شبیہ کو نقصان پہنچتا ہے۔