مقبوضہ بت المقدس (نیوزڈیسک)قابض صہیونی فوج نے ماہ صیام کے چوتھے جمعتہ المبارک کے موقع پر فلسطینیوں کو نماز جمعہ کےلئے قبلہ اول میں آنے سے روکنے کےلئے جگہ جگہ ناکے لگا کر بیت المقدس کے داخلی و خارجی راستے بندکردیئے جس سے بیت المقدس فوجی چھاﺅنی کا منظر پیش کرنے لگا۔اطلاعات کے کے مطابق اسرائیل کے تمام سیکیورٹی ادارے بشمول پولیس، فوج اور انٹیلی جنس کو بیت المقدس میں چوکس کردیا گیا ، فلسطینی نمازیوں کو بیت المقدس میں داخلے سے روکنے کےلئے جگہ جگہ ناکے لگائے گئے اور ہنگامی نوعیت کی فوجی چوکیاں لگا کر فلسطینیوں کو روکنے کی تیاریاں کی گئیں۔ عینی شاہدین کے مطابق بیت المقدس میں ہزاروں کی تعداد میں اسرائیلی فوجی گشت کرتے رہے ، شہریوں کے مکانوں کی چھتوں پربھی فوجی پوزیشن سنبھالے بیٹھے رہے ۔