اسلام آباد (مانیٹرنگ ڈیسک) نو عمر بچوں کو کھیل کود اور والدین کو ستانے کے سوا کوئی کام نہیں ہوتا لیکن برطانوی لڑکی ’’ایزابیل ‘‘ذرا مختلف ہے بلکہ بہت ہی مختلف۔ ایزابیل کی عمر صرف 12 سال ہے لیکن وہ ایک بیوٹی کمپنی کی مالک ہے اور ہر ماہ تقریباً ایک لاکھ 30 ہزار روپے سے زائد کما لیتی ہے ۔
رپورٹ کے مطابق ایزابیل کی والدہ کا بیوٹی پارلر ہے اور اس نے نہ صرف کم عمری میں ہی اپنی والدہ سے بیوٹی پارلر کا کام سیکھا بلکہ بیوٹی پراڈکٹس کا اپنا کامیاب کاروبار بھی شروع کر دیا تھا وہ اس کاروبار کو شروع کرنے کیلئے گزشتہ دو سال سے بچت کر رہی تھی۔کمسن ایزا بیل پر اپنا کاروبار شروع کرنے کا اتنا جنون طاری تھا کہ اس نے دو سال تک اپنے جیب خرچ میں سے ایک پیسہ بھی استعمال نہیں کیا۔اس کی محنت کا صلہ اب اسے مل رہا ہے کیونکہ وہ اپنے کاروبار سے ماہانہ 1000 پاؤنڈ کما رہی ہے۔ ایزابیل نے اپنے کام کا آغاز ایک بیوٹی کریم کی فروخت سے کیا جس کی مارکیٹنگ اس نے اپنی بنائی گئی ویڈیو کے ذریعے کی۔ وہ بیوٹی کریم کے علاوہ میک اپ فاؤنڈیشن، لپ گلاس اور اسی طرح کی دیگر اشیا بھی فروخت کر رہی ہے۔
