سان شا (آئی این پی) تازہ ترین تحقیق سے یہ بات سامنے آئی ہے کہ دنیا کا سب سے گہرا زیر آب’’ سنک ہول یا بلیو ہو ل‘‘ جنوبی بحیرہ چین کے ژی شا جزائر میں ہے ، یہ بلیو ہول 300.89میٹر گہرا ہے جبکہ اس سے پہلے 202میٹر گہر ے ہول کا سراغ لگایا گیا تھا ، اس ہول کو عام طورپر لانگ ڈانگ یا ڈریگن ہول کا کہا جاتا ہے ، یہ ہول 16.31ڈگری شمال میں عرض بلد اور 111.46ڈگری مشرق میں طول بلد یانگل میں واقع ہے جو کہ ژی شا جزائر کے ساحلی علاقوں میں ہے ،مقامی لوگ اسے جنوبی بحیرہ چین کی آنکھ کے نام سے پکارتے ہیں ،چین کے تحقیقاتی اداروں نے اگست 2015ء سے جون 2016ء تک اس منصوبے پر کام کیا ، بالآخر جو اس نتیجے پر پہنچے کہ جنوبی چینی سمندروں میں یہ ہول دنیا کا سب سے گہرا ہول ہے جس کی چوڑائی 130میٹر ہے ۔ چینی تحقیقاتی ادارے کے سربراہ فو لیانگ کا کہنا ہے کہ سان شا سٹی گورنمنٹ نے ہینان کی صوبائی حکومت کے تعاون سے سنک ہول کا سراغ لگانے کے لئے ویڈیو ریز پروفور استعمال کیں جنہیں ایک روبوٹ سینسر کے ذریعے زیر آب لے گیا،ماہرین نے اس تحقیق کے دوران مچھلیوں کی کئی قسموں کا بھی مشاہدہ کیا جبکہ ان کا کہنا ہے کہ بلیو ہول میں 100میٹر کے بعد نیچے آکسیجن نہیں پائی جاتی ، اس لئے وہاں زندگی کا امکان نہیں ، ان تحقیقات کو چین کی اکیڈیمی آ ف انجنیئرنگ کے ماہرین کے ایک پینل نے جس کی سربراہی مینگ ووئی کررہے تھے ،تصدیق کردی ہے ۔‎