بر طا نیہ (نیوز ڈیسک )بی بی سی کے کامیڈی شو ’دی ٹو رونیز‘ کے لیے مشہور برطانیہ کے مزاحیہ فنکار رونی کوربیٹ 85 برس کی عمر میں چل بسے ہیں۔
ان کی اشتہاری کمپنی نے کہا ہے کہ ’ملک کے سب سے زیادہ پسند کیے جانے والے اِنٹرٹینر رونی کوربیٹ سی بی ای آج صبح فوت ہو گئے۔‘ اس وقت ان کے خاندان افراد ان کے پاس تھے۔
’انھوں نے کہا ہے کہ اس مشکل وقت میں ان کی خلوت کا احترام کیا جائے۔‘رونی کوربیٹ اور رونی بارکر کی جوڑی نے 1970 اور 1980 کی دہائیوں میں کامیڈی شو میں بہت نام کمایا تھا۔رونی کچھ برسوں سے بیمار تھے اور 2014 میں پِتے کی بیماری کے باعث ہسپتال میں بھی داخل رہ چکے ہیں۔کوربیٹ کی موت پر غم کا اظہار کرتے ہوئے سر بروس فورسیتھ نے جذباتی انداز میں اپنے درینہ دوست، ساتھی اور گولف کے کھیل کے شوقین پارٹنر کو خراجِ تحسین پیش کیا۔ انھوں نے کہا کہ ’یہ میری زندگی کا سب سے دکھ بھرا دن ہے۔‘’رونی ایسے دوست تھے جن کی میں بہت عزت کرتا تھا۔ یہ بہت بہت دکھ والا دن ہے۔ میں ان کو دیوانوں کی طرح مِس کروں گا۔‘سکاٹ لینڈ میں پیدا ہونے والے کوربیٹ نے 1960 میں ڈیوڈ فراسٹ کے کامیڈی شو ’فراسٹ رپورٹ‘ سے اپنے ٹی وی کامیڈی کریئر کاآغاز کیا۔
یہیں انھوں نے پہلی مرتبہ بارکر کے ساتھ کام کیا۔ اس کے بعد ان دونوں کا شو ’دی ٹو رونیز‘ برطانیہ کا کلاسک کامیڈی شو بن گیا۔یہ شو 1971 سے لے کر 1981 تک ٹی وی پر چلتا رہا جس میں کمیڈین موسیقی کی پرفارمنس میں حصہ لیتے اور سکیچ بناتے تھے۔