کراچی (نیوز ڈیسک) بھارت میں ایک ایسی غیر معمولی شادی جس میں دولہا’کتا ‘اور دلہن ’کتیا‘ تھی مگر باراتی سب انسان تھے اور وہ بھی پانچ ہزار۔ بھارتی ریاست اتر پردیش کے ضلع کاؤ شمبی کے گاؤں پاوارا میں اس غیر معمولی شادی کی تقریب کا اہتمام کیا گیا ، دولہا کو بھرپور سجایا سنوارا گیا اور بھنگڑے اورڈی جے کی دھنوں پر رقص کرتےپانچ ہزار سے زائد باراتی کار پرسوار دلہن کو لینے پہنچ گئے۔ دلہن والوں نے بارات کا بھرپور استقبال کیا اور روایتی بھارتی کھانے ان کی تواضح کےلئے پیش کیے گئے،یہ شادی تمام ہندو رسم و رواج کے تحت انجام پائی۔جنگ رفیق مانگٹ کے مطابق دولہا’شہاگن‘ کا تعلق بسنت ترپاٹھی سے جب کہ دلہن’ شہا گنیا ‘کا تعلق جنگ بہادر سے تھا، جنگ بہادر والوں نے دلہن کو آنسوؤں کے ساتھ رخصت کیا اور دولہا کار میں اپنی دلہن کو لے کر رخصت ہوگیا۔