نیویارک(نیوز ڈیسک) اب منفرد اور عجیب و غریب انداز میں سیلفی لینے کے دوران زندگی کی بازی ہار جانے کی بات کچھ نئی نہیں رہی اور مسلسل ایسے واقعات اخبارات کی زینت بنتے رہتے ہیں جب کہ اب ایک تازہ واقعہ میں امریکا میں ایک شخص اپنی دوست کے ساتھ پستول ہاتھ میں لیے سیلفی لینے کی کوشش کر رہا تھا کہ اچانک گولی چل گئی اور وہ موقع پر ہی ہلاک ہوگیا۔میڈیا رپورٹ کے مطابق کنکریٹ کے ٹاؤن اسکیگٹ کاؤنٹی کے شیرف نے بتایا کہ ایک خاتون اور اس کے دوست نے کئی بار گولیوں سے بھری پستول لے کر ساتھ سیلفیز بنوائیں اور اس دوران وہ شخص کئی بار پستول گولیوں سے خالی کرتا اور بھرتا رہا جب کہ اس عمل میں پستول سے گولیا ں نکالتے وقت ایک گولی اسی میں رہ گئی اور اس کے دوست نے سمجھا کہ اب پستول میں گولی نہیں جس پر اس نے پستول کا ٹریگر دبا دیا اور اس میں موجود گولی چل گئی اور وہ موقع بھی ہلاک ہوگیا۔ میڈیا رپورٹ کے مطابق ہلاک ہونے والے شخص کی عمر 43 سال تھی، پولیس نے واقعے کی تفتیش شروع کردی ہے۔