پورٹ لینڈ(نیوز ڈیسک) کبھی کبھی خوشی کا موقع اچانک غم میں بدل جاتا ہے اور ایسا ہی کچھ ہوا امریکا میں جہاں اپنی 8ویں سالگرہ منانے والی ننھی بچی اپنے ہی ہاتھ سے غبارے کو پھاڑے کی کوشش کرنے پر اسی کا شکار ہوگئی۔امریکی ریاست پورٹ لینڈ کی رہائشی 8 سالہ بچی اپنی سالگرہ کے روز کچھ غبارے اپنے کمرے میں لے گئی اور اس نے ان میں سے ایک 3 فٹ بڑے غبارے کو پھاڑا ور جیسے ہی غبارہ پھٹا اس میں موجود ہیلیم گیس سانس کی نالی کے ذریعے بچی کے حلق میں اتر گئی جس سے اس کا دم گھٹ گیا۔ 20 منٹ بعد بچی کے والد جب اس کے کمرے میں پہنچے تو بچی بستر پر بے ہوشی کی حالت میں پڑی تھی جب کہ غبارہ اس کے سر اور منہ کے گرد لپٹا ہوا تھا جس پر والد نے فوری طورپر غبارہ کاٹ کر الگ کیا اور بچی کی سانس بحال کرنے کی کوشش کی تاہم وہ دم توڑ چکی تھی۔میڈیکل ٹیم نے بچی کو بچانے کے لیے ایک گھنٹے تک کوشش کرنے کے بعد اس کی موت کی تصدیق کی یوں لمحوں میں خوشیاں مناتا گھرانہ غمگین ہوگیا۔ کنزیومر پراڈکٹ سیفٹی کمیشن کا کہنا ہے کہ ہیلیم کے غبارے سے ہونے والی یہ پہلی موت نہیں بلکہ غباروں کے پھٹ جانے کے باعث دم گھٹنے سے کئی بچے جان کی بازی ہار جاتے ہیں جب کہ بچی کے والد کا کہنا ہے کہ اس واقعہ کو سنجیدگی سے لیتے ہوئے والدین بچوں کو غباروں کو پھاڑنے سے دور رکھیں۔