تائی پے (نیوز ڈیسک) دنیا بھر میں کیفے مالکان گاہکوں کو متاثر کرنے کے لئے مختلف آفرز متعارف کرواتے ہیں لیکن تائیوان میں ایک ایسا بھی منفرد کیفے موجود ہے جو اپنے کسٹمرز کے چہروں کو کافی کی جھاگ پر پرنٹ کر کے دیتا ہے۔ جی ہا ں اس کیفے میں کافی کا آرڈر دینے کے ساتھ اپنی ایک تصویر موبائل سے کھینچ کر بھی انہیں مہیا کی جا سکتی ہے جسے جدید نوعیت کی کافی مشین میں اپ لوڈ کر دیا جاتا ہے۔ یہ مشین کافی کو کپ میں ڈالنے کے بعد اس کے اوپر بننے والی جھاگ میں چاکلیٹ پاؤڈر اور کریم کی مدد سے اس تصویر کو ہوبہو شکل میں پرنٹ کر کے اس عام کپ کو خاص بنا دیتی ہے۔