نئی دہلی(نیوز ڈیسک)عام طور پر دلہنیں لجاتی اور شرماتی ہوئی اپنے سہیلیوں اور خاندان کی خواتین کا سہارا لیے اپنی شادی کی تقریب میں آتی ہیں، گویا دوسری خواتین کا سہارا نہ ہو تو دلہن گر جائے گی۔ مگر بھارت میں ایک دلہن نے اپنی شادی کی تقریب میں ایسے دبنگ انداز میں انٹری دی کہ تقریب میں شریک مہمان دنگ رہ گئے۔ آپ نے بھی یقینا ایسا منظر اپنی زندگی میں نہیں دیکھ رکھا ہو گا۔ بھارت کے شہر احمد آباد میں یہ خاتون سرخ عروسی جوڑا زیب تن کیے، زیورات سے لدی، کالہ چشمہ لگائے موٹرسائیکل پر اپنی شادی کی تقریب میں آئی۔ٹائمز آف انڈیا کی رپورٹ کے مطابق اس 26سالہ دبنگ دلہن کا نام عائشہ اپادھے ہے اور یہ گجرات کے ایک کالج میں پروفیسر ہے۔ عائشہ 13سال کی عمر سے موٹرسائیکل چلا رہی ہے۔