نیویارک(نیوز ڈیسک) شیر یوں تو اپنی طاقت اور پھرتی کی وجہ سے مشہور ہے اور یہی وجہ ہے کہ اس کے تیز اور نوکیلئے دانت اپنے شکار کو دبوچ کر لمحوں میں چھیڑ پھاڑ دیتے ہیں لیکن اگر یہ دانت سر بھی نکل آئیں تو کیسے لگیں گے ایسا ہی ایک شیر امریکا کے جنگل میں بھی پایا گیا جس کے منہ میں دانتوں کے ساتھ ساتھ اس کے سر پر بھی دانت نکل آئے جو دیکھنے والے کو خوف زدہ کردیتے لیکن ایک شکاری نے اس کی جان لے لی۔امریکی ریاست اداہو کے جنگل میں محکمہ جنگلات نے ایک ایسے شیر کو دیکھا جس کے سر پر بھی دانت نکلے ہوئے تھے جس پر اس شیر کو پکڑنے کی کوشش کی گئی لیکن وہ ہاتھ نہیں آیا اس دوران ایک شکاری نے اپنے کتے کو بچانے کے لیے شیر پر گولی چلا دی جو جان لیوا ثابت ہوئی اور یوں اس عجیب و غریب شکل رکھنے والے شیر کا قصہ تمام ہوگیا۔ماہرین کی جانب سے جب شیر کے جسم کا معائنہ کیا گیا تو اس کے سر پر دو دانتوں نے سبھی کو حیران کردیا جب کہ ڈیپارٹمنٹ آف فش اینڈ گیم کا کہنا ہے کہ یہ دانت اس شیرکی پیدائش کےوقت جڑواں شیر کی وجہ سے نکلے ہوں گے جب دوسرا شیر نامکمل رہ گیا ہوگا یا پھر یہ ایک قسم کا ٹیومر بھی ہوسکتا ہے جس سے ایسی کوئی چیز بن جاتی ہے۔ ماہر حیاتیات کا کہنا ہے کہ انہوں نے اس سےقبل ایسا کبھی نہیں دیکھا۔