ٹوکیو(نیوز ڈیسک) جاپانی اپنی لمبی عمروں کی وجہ سے دنیا میں مشہور ہیں لیکن دلچسپ بات یہ ہے کہ دنیا کا سب سے لمبی عمروالا ہوٹل بھی جاپان میں ہے۔
ہایاکاوا شہرمیں واقع نشی یاما کیون کان ہوٹل کی بنیاد705عیسوی میں رکھی گئی ،یعنی یہ پچھلی 13صدیوں سے قائم ہے۔اس تمام عرصہ کے دوران اس کے مالکان کا تعلق بھی ایک ہی خاندا ن سے ہے جن کی 52ویں نسل اب اسے چلا رہی ہے۔اس ہوٹل کے ملازمین بھی نسل در نسل یہاں  کام کر رہے ہیں۔ جو مینیجر ،شیف اور ویٹر یہاں کام کرتے ہیں ان کے داد ا پر داد ا بھی یہیں ملازمت کرتے رہے۔اس ہوٹل کو سیروسیاحت کی دنیا میں منفرد ترین مقام حاصل ہے اور گینز بک آف ورلڈریکارڈ ز میں بھی اس کا نام شامل ہے۔