ٹورانٹو(نیوزڈیسک)پاکستانیوں کے ہردلعزیز کینڈین وزیراعظم کی سالگرہ،عوام کو پھر سرپرائز دیدیا، کینیڈا کے خوش شکل، متحرک اور اسمارٹ وزیرِ اعظم جسٹن ٹروڈو اپنی زندہ دلی اور خوش کن طبیعیت کی بنا پر دنیا بھر میں مقبولیت حاصل کرچکے ہیں اور اب انہوں نے اپنی 44 ویں سالگرہ کا کیک ایک نئے انداز سے کاٹ کر سوشل میڈیا کے لیے ایک نیا تحفہ دیا ہے جب کہ ان کی یہ ویڈیو تیزی سے مقبول ہورہی ہے۔کینیڈن وزیراعظم جسٹن ٹرودو کی متحرک تصویر میں دیکھا جاسکتا ہے کہ وہ اپنے دفتر میں سالگرہ کا کیک منفرد انداز میں کاٹ رہے ہیں جس میں انہوں نے چھری ہوا میں لہرائی اور اسے کیک پر گرنے سے قبل ہی تھام لیا۔ اس دوران ان کا ذاتی اسٹاف اس منظر سے لطف اندوز ہوتا رہا۔ عوام کی رائے ہے کہ ٹروڈو کبھی بھی کوئی حیرت انگیز سرپرائز دے کر لوگوں کو حیران کرسکتے ہیں۔اس سے قبل انہوں نے پاکستان اور بھارت کے دیسی لباس میں ڈانس کرکے شہرت پائی ۔کینڈین وزیراعظم کینیڈا میں مقیم پاکستانی اور بھارتی کمیونٹی میں نہایت مقبول ہیں جبکہ ان کی انقلابی پالیسیوں کی وجہ سے دنیا بھر میں انہیں مسلسل سراہا جارہاہے۔