دبئی(نیوز ڈیسک)لاتعداد روشنیوں اور دلکش مجسموں سے مزین دبئی کا لائٹ گارڈ ن عوام کیلئے کھول دیا گیا۔ یہ انوکھا لائٹ گارڈن فنِ تعمیرات کا جیتا جاگتا نمونہ ہے ،اس میں رکھے حیرت انگیز ماڈلز ناکارہ اشیاء کو دوبارہ قابلِ استعمال بناتے ہوئے تیار کیا گیا ہے۔سحرانگیز نظارہ لیےاس لائٹ گارڈ ن میں90ہزارپھول اورگل دانوں کے ماڈلز ہیں جن کے لگیں ہزاروں روشنیاں ان کی دلکشی میں کئی گنا اضافہ کرتی دکھائی دے رہی ہیں۔صرف یہی نہیں بلکہ 12میٹر بلند برج خلیفہ کا ماڈل اور90ہزار پرانے چینی کے ناکارہ کپوں، پلیٹو ں اور چمچوں سے تیار کردہ شیخ زیدمسجد کے ماڈل کو بھی اس لائٹ گارڈن کا حصہ بنایا گیا ہے، جسکے علاوہ یہاں موجودپودوں اور پھولوں کے قدرتی حسن کا فائدہ اٹھاتے ہو ئے ان میں رنگ برنگے بلب انوکھے انداز میں نصب کر دئیے گئے ہیں۔تین لاکھ30ہزارخالی بوتلوں میں چمکنے والا رنگین لیکوئیڈ بھر کر آرٹسٹوں نے گارڈن کا حصہ بنایا جو دن کیساتھ ساتھ رات کی تاریکی میں جگنو کی طرح جگمگاتے ہوئے دیکھنے والوں کی توجہ کا مرکز بنی ہوئی ہیں۔