لاہور (نیوز ڈیسک) غیر ملکی خبر رساں ادارے کی رپورٹ کے مطابق مصر کے علاقے السنبلاﺅ ن کے مقامی ہسپتال میں ایک ایسے بچے نے جنم لیا ہے جس کو دیکھتے ہی دل دہل جاتا ہے۔ ڈاکٹرز اس بچے کی پیدائش پر چکرا کر رہ گئے ہیں اور اسے میڈیکل کی دنیا کا ایک انوکھا کیس قرار دے رہے ہیں۔ اس بچے کے جسم کے دیگر اعضائ جیسے ہاتھ، پاﺅں اور سر بالکل صحیح سلامت ہیں لیکن اس کے چہرے کے نقش نامکمل ہیں۔ اس بچے کے سر پر صرف ایک آنکھ ہے جبکہ سانس لینے کیلئے ناک کا وجود ہی نہیں ہے۔
ڈاکٹروں کا کہنا ہے کہ اس بچے کی والدہ شاید دوران حمل ایسی ادویات کا استعمال کرتی رہی جس کا اثر بچے پر پڑا۔ بچے کی دیکھ بھال پر تعینات ڈاکٹر احمد بدرالدین کا کہنا ہے کہ اس بچے کے جسم کے دیگر اندرونی اور بیرونی اعضاءبالکل درست حالت میں ہیں لیکن ابھی اس بارے میں نہیں کہا جا سکتا کہ بچہ زندہ بھی رہ پائے گا یا نہیں۔