لاس اینجلس(نیوز ڈیسک) امریکہ میں ایک پرواز کے دوران ایک مسافر زیادہ شراب پی کربہک گیا اور اس نے ساتھی مسافروں پر پیشاب کردیا جس پر اسے پرواز کی لینڈنگ کے بعد جیل بھیج دیا گیا۔امریکی میڈیا کی رپورٹ کے مطابق جیٹ بلیو طیارہ الاسکا سے ریاست اوریگن پہنچا،اس میں موجود 26سالہ مسافر جیٹ روبن نے زیادہ پی لی اور پرواز اترنے سے کچھ دیر پہلے اس نے اپنی سیٹ سے آگے والے مسافروں پر پیشاب کر دیا۔پولیس نے طیارہ اترتے ہی مسافر کو حراست میں لے کر جیل پہنچا دیا جہاں اسے کئی گھنٹے رکھنے کے بعد چھوڑد یا گیا تاہم اس کے خلاف مقدمہ درج کر لیا گیا ہے اور مزید تحقیقات کے بعد کیس عدالت میں بھیجا جائے گا۔