اسلام آباد (نیوز ڈیسک) امریکی شہر لاس اینجلس میں رولن 100 گینگ کے ایک رکن کے قتل کے بعد شہر میں کام کرنے والے دو بڑے گینگز کے درمیان ایک خوفناک شرط لگ گئی ہے جس نے شہریوں کی نیندیں اڑادی ہیں۔ مقامی میڈیا کے مطابق متحارب گینگ 100 دن کے دوران 100 افراد کو مارنے کی شرط لگا چکے ہیں اور اس شرط کو جیتنے کے لئے عام شہری بھی نشانہ بنائے جاسکتے ہیں۔
شہریوں کی بڑی تعداد سوشل میڈیا پر ایک دوسرے کو خبردار کررہی ہے کہ جو بھی ویسٹرن اور نورمانی ایونیو کے درمیان جائے گا وہ اندھی گولی کا نشانہ بن سکتا ہے۔ سوشل میڈیا پر ہیش ٹیگ #100days100nights تیزی سے گردش کررہا ہے جس کے ذریعے عام لوگ دیگر لوگوں کو اس خوفناک صورتحال سے خبردار کررہے ہیں